Tu âs cirût la peraule
monolengâl
torne indaûr

monolengâl

parâ sù loc.v.
Fâ che alc al ledi o al stedi sù, ad alt o a Nord o indentri (ancje fig.)
sinonims
butâ sù, mandâ sù, sburtâ sù
esemplis
"il sudôr i spissulave dal cerneli; al parà sù i cjavei cu la man rivoltade"
gjavât fûr di "Zuan Prussian e Toni Pagjel" di Bepo Viulin
"e cjapà sù une siringje di une scjatule di açâl poiade sul jet, e parà sù la gusiele te valvule di gome che e unive chê altre, za te vene, a la gomute dal flebo, e e parà dentri planc planchin il sîr"
gjavât fûr di "Tal ospedâl" di Amedeo Giacomini
"al puartà dongja i lens e al parà sù un fogaron di grops di faâr alt che li flami a rivavin a lenzi la cjampana da la napa"
gjavât fûr di "Barba Fodo e i resonamints" di Novella Cantarutti
parâ sù loc.v.
Dâ dongje e racuei o gjavâ
sinonims
tirâ sù, cjapâ sù
esemplis
"o ai scugnût raspâ la panarie e parâ sù par tiare"
gjavât fûr di "La fuiace de Madone" di Catarine Percude
parâ sù loc.v.
Riferît aes bestiis dumiestiis, fâlis jentrâ tal pulinâr, tal cjôt, te stale
esemplis
"parâ sù lis gjalinis"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
parâ sù loc.v.
Dal timp o dal aiar, puartâ incà nûi (ancje ass.)
sinonims
butâ sù
esemplis
"e veve cjapât a pet il so ort, cuant che il timp al parave sù jê e stave cul cûr in man par pôre che e vignìs la tampieste a fiscâi dut"
gjavât fûr di "Cungjò Friûl" di Jolanda Mazzon
parâ sù loc.v.
Fâ deventâ plui grant di dimension, cuantitât, intensitât e v.i.
sinonims
aumentâ, cressi, fâ cressi, fâ lâ sù, incressi, rionzi, sglonfâ, slargjâ, tirâ sù
esemplis
""A Vignesie no i impuarte nuie di nô furlans…, se nol è di disboscâ o di parânus sù lis tassis...""
gjavât fûr di "Strumîrs e Çambarlans" di Alviero Negro
parâ sù loc.v.
Penetrâ te ativitât sessuâl o in gjenerâl fâ ses (coloc.)
esemplis
"a cheste ore i saressin za a cjase, a fâ di cene o a parâ sù cu la morose"
gjavât fûr di "Metât mecanic" di Renzo Brollo
" Pieri al jere cussì. Un purcit votât a saceâ une fam di purcit. Parâ sù, mangjâ, fâsi viodi, preâ. E dentri di chest, la aviditât, il podê, la invidie, il svindic"
gjavât fûr di "Delit in vie del Lavoro" di Igor Londero
torne sù